Vonin

Vonin er sá strengur sem ég spila á, lagið er ósk um indæla framtíð, sólskin og fagrann regnboga sem muni lýsa ást og kærleika umhverfis okkur. Vonin er skærasta stjarna himins sem mun lýsa okkur veginn um nætur.
Eftir óveður mun silfurbrydding skýanna verða að fagurri sýn, Vonin er meðal, lækning, Vonin er hamingja, Stundum eina sól mannshugans.
Að vera fastur í eigin hugarheimi, getur verið erfitt. Að koma frá sér og tjá tilfinningar sínar getur sumum verið enn erfiðara. Að finna leið er ekki öllum gefið. Að eiga vini og halda þeim er vinna, mikil vinna og ekki á færi allra. Að vera maður sjálfur og fá að vera það, er stundum vandrataður vegur.